20 июня 2017 г.
Кăçал районĕпе пĕрчĕллĕ тата пăрçа йышши культурăсем 13541 гектар, пĕр çул ỹсекен курăк _ 1576, нумай çул çитĕнекенни _ 580, куккурус _ 755, сахăр кăшманĕ _ 490, хĕвелçаврăнăш 1220 гектар акнă, çĕр улми 1400 гектар лартнă. Иртнĕ çулсенче никĕсе хывнă нумай çул ỹсекен курăк 5000 гектар ытла йышăнать.
Районти ял хуçалăх предприятийĕсенче тата фермер хуçалăхĕсенче выльăхсене валли апат хатĕрлеме пуçăннă. Ĕнерхи кун тĕлне районĕпе 708 тонна сенаж хывнă. Ку ĕçе "Батыревский" тата "Исток" хуçалăхсем пуçăннă. Сăмах май, "Батыревский" пĕрлешỹре ешĕл çимĕçе янтăланă çĕре 11 техника, вăл шутра ДОН-680 комбайн хутшăнать. Уй-хир "карапĕпе" Н. Викторов ĕçлет.
Çурхи культурăсене, сахăр кăшманне çум курăк-ран тасатас тата чир-чĕр-тен, хурт-кăпшанкăран хỹтĕлес тĕллевпе хими препарачĕсем сапма пуçланă.
Июнĕн 1-мĕшĕ тĕлне районĕпе 19 пин ытла ĕне-выльăха шута илнĕ, унтан сăваканни _ 8 пин ытла.
Источник: "Авангард" (газета Батыревского района)