07 июля 2017 г.
Тỹпен маччи шăтнă тейĕн, кашни кун çумăр çăвать. Хĕвел хушăран çеç вăтанчăклăн пăхса илет те татах хура пĕлĕтсем хыçне пытанать. Çут çанталăкăн начар çанталăкĕ çук теççĕ пулсан та çакă пурне те пăшăрхантарать: çакнă-лартнă культурăсем йĕркеллĕ ỹсеймеççĕ, шăтса тухнисем те шыв ăшĕнче лараççĕ. Халь шăпах выльăхсем валли апат хатĕр- лемелли самант, анчах çулса пăрахнă курăксене те пухса кĕртме май çук. Уяр кунсене "вăрласа" тенĕ пек ял хуçалăхĕнче тăрăшакансем ешĕл çимĕç хатĕрлеççĕ. Пĕлтĕр çак вăхăт тĕлне районĕпе 11127 тонна сенаж янтăланă, кăçал _ 11950 тонна е кирлинчен 111,5 процент. Утă тума май çуккипе ку ĕç тата малалла пырать. Сăмах май, типĕ курăка ĕнерхи куна 2184 тонна кăна (48 процент) хатĕрленĕ, иртнĕ çул çак кăтарту 3141 тоннăпа танлашнă. Пĕлтĕр хуçалăхсем çак вăхăтра силос та хума пуçăннă пулнă пулсан паян вара пикенмен-ха.
(Хамăр корр.)
Источник: "Авангард" (газета Батыревского района)