11 июля 2017 г.
Районăмăр 90 çулхи юбилейне паллă тума хатĕрленнĕ тапхăрта ĕç паттăрĕсемпе кăтартуллă çемьесем пирки сăмах хускатма та кăмăллă. Юхмапа Пăла тăрăхĕнче вĕсем сахал мар. Акă, Раççей Президенчĕн Владимир Путинăн Указĕпе килĕшỹллĕн, 2009 çултанпа "Ашшĕ-амăшĕн мухтавĕ" тата "Юратупа шанчăклăхшăн" ордена тата орден медальне тивĕçнисем пирĕн вунпĕр çемье.
Юлашки сакăр çулта "Юратупа шанчăклăхшăн" медальпе вара районти кăтартуллă 24 çемьене чысланă. Республикăра ят панă Амăшĕпе Ашшĕн çулталăкĕнче çак хисепе тепĕр виçĕ çемье тивĕçнĕ: Патăрьелĕнчи Сафьяновсем, Нăрваш Шăхалĕнчи Бородкинсем тата Хирти Пикшикри Маннуровсем.
Источник: "Авангард" (газета Батыревского района)