14 июля 2017 г.
Юхмапа Пăла тăрăхĕнче пурăнакансем кĕр мăнтăрĕпе, тĕрĕсрех каласан _ авăн уйăхĕн 5 _ 8-мĕшĕсенче _ районăн 90 çулхи юбилейне паллă тума хатĕрленеççĕ. Программа пуян та тулли содержаниллĕ. Уявра аякран-çывăхран килнĕ хăнасем район пурнăçĕпе, паллă çыннисемпе çыхăннă сăн ỹкер- чĕксен куравĕпе паллашма пултараççĕ. Унччен маларах вара, хисеплĕ вулаканăмăр, сиртен пысăк пулăшу кирлĕ. Енчен те сирĕн çемье çỹпçинче 30-40 е тата ытларах çул каялла ỹкернĕ фотосем упрансан, ăна район администрацийĕн организаципе тĕрĕслев ĕçĕн пайне, 26-мĕш пỹлĕме, çитерме ыйтатпăр. Эсир пулăшнă ырă та пархатарлă ĕç район историйĕшĕн питĕ пысăк пĕлтерĕшлĕ.
Çемье архивĕнче тупăннă сăн ỹкерчĕксене çак кунсенчех палăртнă адреспа çитерме васкăр! Авăнра вара уявра кăмăлтанах пĕрле савăнăпăр.
Источник: "Авангард" (газета Батыревского района)