Публикации » Форум пуçланнă

14 июля 2017 г.

Чăваш Енри Пĕтĕм Раççейри тĕрĕк çамрăкĕсен "Тĕрĕксен ылтăнĕ" форум пуçланнă. Унта çамрăксем хăйсен ăсталăхĕпе паллаштараççĕ, тĕрĕк халăхĕ- сен еткерне сыхласа хăварасси пирки калаçаççĕ. Кăçалтан канашлăва "Патшалăх наци политикине пурнăçлани" программăна кĕртнĕ. Вăл икĕ тапхăрпа иртĕ. Регион шайĕнчи утă уйăхĕн 4-мĕшĕнчен пуçласа çурла уйă- хĕн 1-мĕшĕччен пулĕ. Ун чухне тĕрĕк çамрăкĕсен ушкăнне пухĕç. Вăл вара республика чысне Раççей шайĕнче хỹтĕлĕ. Ку тупăшу авăн уйăхĕн 10-14- мĕшĕсенче Тутарстанра иртĕ. Форума кирек мĕнле наци çынни те хутшăнма пултарать. Вĕсем валли тулли тата тĕрлĕ енлĕ программа хатĕрленĕ. Тĕрĕк халăхĕсен йăли-йĕркипе паллашни, наци ташшисем, кĕввисем тата ытти те. Заявкăсене çурла уйăхĕн 1-мĕшĕччен ЧР Культура министерствинче йышăнаççĕ. 

Источник: "Авангард" (газета Батыревского района)