Публикации » Иртнисĕр малашлăх çук

18 июля 2017 г.

Тăван районăмăр авăнăн 5 _ 8-мĕшĕсенче 90 çулхи юбилейне паллă тума хатĕрленет. Çавна май район администрацийĕ ытти мероприятисемпе пĕрлех тăван ен историйĕпе çыхăннă сăн ỹкерчĕксен куравне те йĕркелет. Уйрăм хастарсем иртнĕ пурнăçа сăнарлакан ỹкерчĕксене организаципе контроль пайне çитерме те ĕлкĕрнĕ. Çак яваплă ĕçрен районти "Авангард" хаçат редакцийĕ те айккинче юлмарĕ. Эсир куракан сăн ỹкерчĕксем шăпах райхаçат архивĕнче упранаççĕ. Сулахайран пĕрремĕшĕ _ Ф. Румянцев пĕрремĕш редактор çывăх юлташĕсемпе. Сăмах май каласан, ỹкерчĕке шăпах 90 çул каялла тунă. Иккĕмĕш сăн ỹкерчĕкĕнче "Авангард" хаçатăн 1950-мĕш çулсенчи çурчĕ.

Источник: "Авангард" (газета Батыревского района)