21 июля 2017 г.
Çак кунсенче Шупашкарта патшалăх пушар надзорĕ 90 çул тултарнă ятпа сумлă мероприяти иртнĕ. Патăрьелсемшĕн çак юбилей йĕрсĕр иртмен. Районти пушар надзорĕн начальникне, шалти ĕçсен службин аслă лейтенантне Андрей Тукмакова Раççей МЧСĕн Чăваш Республикинчи Тĕп управленийĕн начальникĕ Станислав Антонов генерал-майор капитан звани тивĕçнĕ ятпа саламланă.
А. Тукмаков патшалăхăн пушара хирĕçле службинче çĕнĕ çын мар, çывăх вăхăтра яваплă ĕçе кỹлĕнни вунă çул çитет. Тăрăшуллă та пултаруллă çамрăк сотрудника иртнĕ çулхи çу уйăхĕнчен районти пушар надзорĕпе профилактика ĕçĕ-хĕлне йĕркелесе пыракан уйрăмăн начальникĕн ĕçĕсене пурнăçлама шаннă.
Источник: "Авангард" (газета Батыревского района)