21 июля 2017 г.
Çу кунĕсем чылай ачашăн хаваслă иртеççĕ. Хуларан килекен шăпăрлансем сывлăхне çирĕплетеççĕ, вăрман сывлăшĕпе киленеççĕ, шыва кĕреççĕ...
Пỹртлĕри аслашшĕ-асламăш патне хуларан хăнана килнĕ виççĕри ача та çак кунхине кунĕпе тенĕ пекех урамра пулнă. Каçкỹлĕм анкарти таврашĕнче çỹренĕ чухне пĕчĕкскере сасартăк хура çĕлен сăхнă. Юрать-ха, юнашарах ашшĕпе амăшĕ пулнă, васкавлă пулăшăва шăнкăравланă, больницăна илсе кайнă. Çĕлен мăшкăлне тỹснĕ ачана малтан Патăрьелĕнчи тĕп больницăра тухтăрсем пăхнă, ун хыççăн тỹрех тĕп хуламăрти ача-пăча сиплев учрежденине çитернĕ. Кунта вара чăнах та вырăнта медработниксем лартнă диагноз çирĕпленнĕ. Çавăнпа та ачан организмĕнчи çĕлен наркăмăшне хирĕç тỹрех юн шывне (сыворотка) янă. Хальхи вăхăтра вăл шанчăклă сиплевçĕсен аллинче.
Источник: "Авангард" (газета Батыревского района)