21 июля 2017 г.
Çурла уйăхĕн 2-мĕшĕнче православи тĕнне ĕненекенсем Илен кунне паллă тума, сывлăшпа десант çарĕнче службăра пулнисем _ ВДВшниксем _ хăйсен уявĕнче савăнма хатĕрленеççĕ.
Юхмапа Пăла тăрăхĕнче "çунатлă пехота" хастарĕсем сахалăн мар. Вĕсен пуçарăвĕпе темиçе çул каялла "Нива" кафе çывăхĕнче лартнă палăк умне "кăвак беретлисем" çулсеренех пуçтарăнса тивĕçлисене ятран асăнасси, уйрăм çынсене чысласси ырă йăлана кĕнĕ. Кăçал та десантниксем ирхине вунă сехетре çак ятпа мероприяти йĕркелесшĕн. Хальхинче вĕсем кỹршĕ районсенчи ВДВшниксене те пĕрле савăнма чĕннĕ. Апла пулсан уяв программи тата пуянрах та кăсăклăрах та пулма тивĕçлĕ.
Источник: "Авангард" (газета Батыревского района)