25 июля 2017 г.
Чăваш Енри Алексей Германов аэробист Польшăри Вроцлаве хулинче иртекен Пĕтĕм тĕнчери 10-мĕш вăйăсене хутшăнать. Амăртăва утă уйăхĕн 20-мĕшĕнче официаллă майпа уçнă. Вăл вунă куна пырĕ.
Ку вăййа Олимпиада программине лекмен вăйăсене кĕртнĕ. Пĕтĕм тĕнчери олимп комитечĕ пулăшнипе йĕркелекен çак вăйă тăватă çулта пĕрре иртет. Чăваш Енĕн тава тивĕçлĕ тренерĕ Оксана Дьячук патĕнче пултарулăха туптакан Алексей Германов Пĕтĕм тĕнчери вăйăсене унччен те хутшăннă. 2013 çулта Колумбинче вăл ташă гимнастикипе кĕмĕл медаль çĕнсе илнĕ, гимнастика платформинче _ бронза.
Источник: "Авангард" (газета Батыревского района)