25 июля 2017 г.
Авăнăн 5-8-мĕшĕсенче Юхмапа Пăла тăрăхĕ хăйĕн çавра юбилейне, 90 çул тултарнине, паллă тунине вулаканăмăра пĕлтернĕччĕ. Çак ятпа район историне сăнлакан сăн ỹкерчĕксен куравне йĕркелесси пирки те систернĕччĕ. Юбилей ирттерессипе тимлекен комисси членĕсем пĕлтернĕ тăрăх, çынсем чăнах та ырă пуçарăва хастар хутшăнаççĕ, район администрацине тĕрлĕ çулта ỹкерттернĕ сăн ỹкерчĕксем илсе килеççĕ. Анчах чылайăшĕ портрет евĕр фотосем сĕнеççĕ-мĕн. Çавăнпа та район историне сăнлакан, паянхипе унчченхи пурнăçа танлаштарса кăтартакан кадрсем пулсан курав тата ытларах пуян пулĕ. Çемье архивĕнче ун пеккисем те çук мар.
Источник: "Авангард" (газета Батыревского района)