04 августа 2017 г.
Нумай пулмасть çеç массăллă информаци хатĕрĕсенче Шупашкарта пилĕк çулхи ача чỹречерен тухса ỹкнине çырнăччĕ. Халĕ каллех çакнашкал тепĕр тĕслĕх. Тĕп хуламăрти Богдан Хмельницкий урамĕнче шăпăрлан ăнсăртран чỹречерен тухса ỹкнĕ. Юрать-ха инкекĕ синкерлĕ вĕçленмен, ăна çийĕнчех больницăна ăсатнă. Пăтăрмахăн сăлтавĕ хальхинче те кантăксем çине шăна-пăван вĕçсе кĕресрен вырнаçтарнă москитлă сеткăпа çыхăннă.
Ку чухне чылай çын кантăксене ĕлĕкхилле тутăрпа е марльăпа карса хумасть, пластик чỹрече çине тỹрех çак сеткăна вырнаçтарать. Чăнах та меллĕ те, илемлĕ те. Çавăнпа та хĕрĕме каланине кинĕм те илттĕр тенĕ евĕр, çынсен йăнăшне пирĕн тăвас марччĕ, ачасене чỹрече патне пырасран асăрхасах тăрасчĕ.
Источник: "Авангард" (газета Батыревского района)