19 сентября 2017 г.
Çак кунсенче Аслă Чемен ял тăрăхĕнчи ветерансен канашĕн пуçарăвĕпе Турра ĕненекенсен ушкăнĕ Тутар Республикинчи Пăва районне кĕрекен Пăрал ялĕнчи чиркĕве (1780-мĕш çулта тунă, кайран аслăлатса пынă) çитсе курнă, унăн историйĕпе паллашнă, ырă та тăнăç пурнăçшăн çурта лартнă. Паломниксем храмран аякра мар вырнаçнă çветтуй Пантелеймон ячĕллĕ часовньăра та пулнă, сăвапланă çăл куçра шыва кĕрсе тасалнă.
Аслă Чементен старт илнĕ паломниксен çул çỹрев маршручĕ ăнсăртран мар. Республикăри сăваплă вырăнсене çулсеренех тухса çỹресси шурсухалсен ырă йăлана кĕнĕ. Маларах вĕсем çак тĕллевпех Çĕрпỹри тата Улатăрти мăнастирсенче те пулнă.
Источник: "Авангард" (газета Батыревского района)