19 сентября 2017 г.
Иртнĕ эрнере районта икĕ пушар пулнă. Авăнăн 13-мĕшĕнче кăнтăр апачĕ иртнĕ хыççăн Красномайскинчи Яковлевсен хуралтинчен вут тухнă. Районти пушар надзорĕнчен пĕлтернĕ тăрăх инкекĕн сăлтавĕ _ хуçасем электрооборудованипе асăрханусăр пулни.
Кăшт маларах вара "01" служба сотрудникĕсем тепĕр инкеке шута илнĕ. Пĕр каçхине Кивĕ Ахпỹртре автомашинăпа пыракан арçын чутах вут мăшкăлĕ пулман. " Хурçă ут" пынă çĕртех чарăнса ларнă, унтан çунма тытăннă. Юрать-ха, çывăхра пулăшакансем тупăннă. Сăмах май каласан, çулталăк пуçланнăранпа районта автомашина çуннă тăваттăмĕш тĕслĕх.
Источник: "Авангард" (газета Батыревского района)