03 октября 2017 г.
Хирти, пахчари ĕçсем вĕçленсе пынă май çынсем халь пушă вăхăт пуррипе усă курса кăмпана çỹреме пуçларĕç. Ушкăнпа та, пĕчченшерĕн те каякансем пур. Çĕр мăкăртса тухнăскерсене ытларахăшĕ хĕле валли хатĕрлет: тăварлаççĕ, шăнтса хураççĕ... Кучченеç парса яма та аван. Анчах хăрах ура çинче ларакан çимĕçе пухма каякансен асăрханулăх пирки те манмалла мар. Вăрманта çỹреме тата компаспа усă курма пĕлмесен шалалла кĕмелле мар. Районта кăмпаçăсем çухалса кайнă тĕслĕхсем те пулчĕç. Юрать-ха, вĕсене шыраса тупнă, телейĕсем юнашар пулнă. Тепĕр чухне пулăшу вăхăтра çитеймесен те пултарать-çке...
Источник: "Авангард" (газета Батыревского района)