03 октября 2017 г.
АПК ветеранĕсене саламланă
Ваттисен кунĕ умĕн Патăрьелĕнчи бизнес-инкубатор залĕнче район администрацийĕн пуçлăхĕ Р. Селиванов тата унăн çумĕ, ял хуçалăх, экономика, çĕр тата пурлăх хутшăнăвĕсен пай пуçлăхĕ Л. Кузнецов районти агропромышленность комплексĕн ветеранĕсемпе тĕл пулнă. Рудольф Васильевич пухăннисене вырма пĕтĕмлетĕвĕсемпе, район çитĕнĕвĕсемпе, умра тăракан тĕллевсемпе паллаштарнă. Çавăн пекех вăл ветерансене Ваттисен кунĕ ячĕпе саламланă, Юхмапа Пăла тăрăхне аталантарма хутшăннăшăн тав туса кашнинех Чăваш Республикин агропромышленность комплексĕн энциклопедине парнеленĕ.
Источник: "Авангард" (газета Батыревского района)