09 апреля 2008 г.
Район администрацийĕн структура подразделенийĕсен ертÿçисен черетлĕ канашлăвне ра-йон пуçлăхĕн пĕрремĕш çумĕ Р.Селиванов ертсе пынă. Планеркăра кун йĕркинчи кулленхи ыйтусене сÿтсе явнă.
Районта çурхи шыв-шур тапхăрĕ ăнăçлă пырать. Çак сăлтавпа инкек тÿснĕ е тăкак курнă тĕслĕхсем çук. Çанталăк ăшăтса пынă май, хутмалли тапхăр та вĕçленет.
Çурхи уй-хир ĕçĕсем сарăлса пыраççĕ. Эрне пуçламăшĕ тĕлне пилĕк хуçалăхра çурхи культурăсене акма пикеннĕ. Хальлĕхе çичĕ хуçалăхра техника тĕрĕслевне ирттернĕ.
Планеркăра тирпей-илем, культура, вĕрентÿ, сывлăха сыхлас тата район пурнăçĕпе çыхăннă ытти ыйтусене те сÿтсе явнă