19 апреля 2008 г.
Туçари вĕрентÿ центрĕнче Чăваш Патшалăх педагогика университечĕн чăваш филологи факультечĕпе наукăпа практика конференцине йĕркеленĕ. Вăл ăнăçлă та, усăллă та иртнĕ. Конференцине чăвашсен паллă просветителĕ И.Я.Яковлев çуралнăранпа 160 çул çитнине халалланă. Унăн тĕп теми: “Чăваш чĕлхипе литературин актуаллă ыйтăвĕсем тата ăна вĕрентес методики”.
Конференцире педуниверситетри филологи наукисен кандидачĕ А.Мефодьев, педагогика наукисен кандидачĕ Г.Брусова, филологи факультечĕн деканĕ, филологи наукисен кандидачĕ Е.Андреева доцент тухса калаçнă. В. Никитин (Станьял) çĕкленĕ чĕлхепе литература ыйтăвĕсем те çивĕч пулнă.