19 апреля 2008 г.
Çитес тунтикунтан, апрелĕн 19-27-мĕшĕсенче районта Пĕтĕм Раççейри “Ырă ĕçсен эрни” акци пуçланать. Унăн тĕп тĕллевĕ – обществăшăн ырă та пархатарлă шухăшсене пропагандăласси, нушаллă, инкеклĕ çынсене кирлĕ пулăшу парасси.
Акцие активлă ирттерсе яма районта координаци канашĕ туса хунă. Ăна районти вĕрентÿ пайĕн начальникĕ ертсе пырать. Çитес эрнере вĕрентÿ учреждени-йĕсенче ыркăмăллăх урокĕсем, мероприятисем пулĕç, куравсем йĕркеленĕç, çак тĕллевпех тавралăх илемĕшĕн чечексем, йывăçсем акĕç-лартĕç, асăнмалăх аллейăсем тăвĕç... Урăхла каласан ырă ĕçсен виçи те, чикки те çук. Çавăнпа та кашниех çак акцие хутшăнса ырă йĕр хăварма тăрăшăр. Вăл вара яланлăхах асра юлĕ.