19 апреля 2008 г.
Шупашкарти 19-мĕш профучилище залĕнче спартакиада программипе республикăри профучилищĕсенчи волейбол командисен финалти ăмăртăвĕ иртрĕ. Унта Патăрьелĕнчи 7-мĕш профучилище волейболисчĕсем те хутшăнчĕç.
Пирĕн команда финала тухмалли ирĕке Канаш зонинче 16-мĕшпе 22-мĕш профучилищĕсене парăнтарса çĕнсе илнĕччĕ.
Финалта та ăнăçлă вылярĕç патăрьелсем. Сĕнтĕрвăрринчи 11-мĕш, Шупашкарти 23-мĕш тата 19-мĕш училищĕсен командисенчен 2:0 шутпа выляса илсе, Патăрьелĕнчи 7-мĕш профучилище команди пиллĕкмĕш хут чемпион ятне çĕнсе илчĕ. Училище чысне А.Адикин, Н.Чинкин, А.Румянцев, М.Ярушкин, Ю.Вуколов, Р.Пибиков, В.Тихонов хÿтĕлерĕç. Н.КРАСНОВ.