17 мая 2008 г.
Июнь уйăхĕн 1-5-мĕшĕ-сенче Шупашкарти Халăхсен хушшинче патриотлăх туйăмне аталантаракан “На Волжском рубеже” кинофестиваль иртĕ.
Кинофестивальте камсем пулĕç-ши; Телевизорпа тăтăшах курăнакан В.Литвинов, Н.Хорохорина, А.Васильев, Л.Лужина тата ыттисем те (пурĕ 35 çынна яхăн) çитĕç. Илемлĕ фильмсен жюри председателĕ – А.Джигорханян, документлисен В.Саликов пулĕ.
Çĕнтерÿçĕсене “Чи лайăх документлă фильм”, “Чи лайăх ача-пăча фильмĕ”, “Чи лайăх режиссер ĕçĕ”, “Чи лайăх сценари”, “Чи лайăх оператор ĕçĕ”, “Фильм валли çырнă чи лайăх юрă-кĕвĕ”, “Чи лайăх вылянă арçын ролĕ”, “Чи лайăх вылянă хĕрарăм ролĕ”, “Иккĕмĕш планри чи лайăх роль” номинацисемпе палăртĕç. Гран-прие вара чи лайăх илемлĕ фильм çĕнсе илĕ. Çĕнтерÿçĕсем “Ылтăн Анне” статуэткăна тивĕçĕç.
(Хамăр корр.).