24 мая 2008 г.
Чăваш Республикинчи вĕрентĕвĕн инноваци программисене ĕçе кĕртекен вĕрентÿ учрежденийĕсен конкурсĕн пĕтĕмлетĕвĕсем тăрăх 20 çĕнтерÿçе – шкулчченхи чи лайăх 17 вĕрентÿ учрежденине тата ачасен хушма вĕрентĕвĕн 3 учрежденине палăртнă.
Чăваш Республикин Президенчĕн 200 пин тенкĕлĕх гранчĕсене тивĕçнисен шутĕнче пирĕн районти Первомайскинчи “Шуçăм” ача сачĕ те пур.
Унсăр пуçне шкулчченхи вĕрентÿ учрежденийĕсенче тата ачасен хушма вĕрен-тĕвĕн учрежденийĕсенче ĕçлекен 30 педагога Чăваш Енри новаторсене – çуллен паракан 10 пин тенкĕ тÿлесе хавхалантарма йышăннă. Çĕнтерÿçĕсен йышне Патăрьелĕнчи ача-пăча искусство шкулĕн вĕрентÿçине Мидхат Алимзянович Шакирова та кĕртнĕ.
(Хамăр корр.).