Публикации » Валентина Алексеева – конкурс çĕнтерÿçи

28 мая 2008 г.

Нăрваш Шăхалĕнчи библиотека заведующийĕн çак кунсенче ĕçре пысăк савăнăç пулнă. Валентина Ивановна Алексеева хăй ирĕкĕпе “Сельская новь” журнал пуçарăвĕпе йĕркеленĕ Раççей шайĕнчи “Самый читающий читатель” конкурса хутшăннă. Çĕр-шывĕпе 2089 конкурсант хăйсен пултарулăхне тăратнă. Тупăшу ансат та, çăмăл та пулман.

Юратнă журналăн юлашки пиллĕкмĕш номерĕнче унăн итогĕпе паллаштарнă. Унта мĕн пур конкурсантсенчен Нăрваш Шăхаль вулавăш ĕçченĕ пĕрремĕш тухса пысăк приза çĕнсе илни пирки каланă. Валентина Ивановнăшăн çакă Пĕтĕм Раççейри библиотекăсен уявĕ ячĕпе тем пысăкăш хаклă парне вырăннех пулнă.