04 июня 2008 г.
Канашра 1993-1995 çулсенче çуралнă арçын ачасен, 1994-1996 çулсенче çуралнă хĕр ачасен ирĕклĕ майпа кĕрешсе республикăра мала тухмалли ăмăртăвĕ иртрĕ. Ку ăмăртăвăн тепĕр тĕллев те пулчĕ – Атăлçи округĕнче кĕрешме команда хатĕрлесси.
Хăйсен виçисенче К.Смирнова (Ишлĕ), А.Выросова (Сител), А.Сеприханов (К.Ахпÿрт) мала тухрĕç. Вĕсене М.Зейнетдиновпа И.Алеев тренерсем хатĕрленĕ.
В.Пыркин (К.Ахпÿрт), Д.Чинкина (Х.Пикшик) призлă вырăнсене йышăнчĕç. В.Марковпа (К.Ахпÿрт) М.Шуркина (Первомайски) тăваттăмĕш вырăна тухрĕç.
А.Сеприхановпа В.Пыркина республика командине кĕртрĕç.
А.АЛЕЕВА, В.СЕПРИХАНОВ