11 июня 2008 г.
Пĕтĕмлетÿ райадминистраци залĕнче пулчĕ. Мероприяти пасар кун иртнĕрен Патăрьелсем ĕçлеме те, суту-илÿ тума та пултарни уççăн курăнчĕ. Шăнкăртам ялĕнче çеç уйрăм предпринимательсен 30 ытла лавкки тытăнса тăрать пулин те райпо системинчи плансене уйăхсерен тултарать. Апла пулсан, çĕнĕлĕхсене ĕçе кĕртсех тăраççĕ. Çак сăмахсене тепĕр хут палăртрĕ канашлура Чăвашпотребсоюз Совечĕн председателĕ В.Павлов.
Республикăри журналистсен союзĕн правленийĕн председателĕ В.Комиссаров лавккасенче чăваш кĕнеке издательствинче пичетленсе тухакан продукци сахаллине асăнчĕ. Г.Айхин икĕ томлă тин çеç пичетрен тухнă кĕнекине район пуçлăхне Н.Глухова пачĕ.
Республикăри Культура, национальность ĕçĕсен, информаци политикин тата архив ĕçĕн министрĕн çумĕ А.Белов Патăрьелсем социаллă ыйтупа тимлĕ ĕçленине палăртрĕ. Лавккасенче вĕри шыв таранах пур. Сутуçăсем валли пур условине те туса панă.
“Хыпар” хаçат редакторĕ А.Леонтьев кашни лавккарах республикăра, районта тухса тăракан “Авангард” хаçатсем пулсан тавар туянакансен шучĕ ÿсессе шантарчĕ.
Конкурентсем пур пулин те суту-илÿ пĕрлешĕвĕпе обществăлла апатлану предприятийĕ таварçаврăнăшне анлăлатсах тăрать. Çакă ĕç укçине те ÿстерме май парать. Кăçалхи пĕрремĕш кварталта кашнийĕн уйăхри вăтам тÿлевĕ 5116 тенкĕпе (500 çын вăй хурать) танлашнă.
Пленари пайĕнче журналистсем хăйсене кăсăклантаракан ыйтусем çине тулли хуравсем илчĕç.
А.АСТРАХАНЦЕВА.