18 июня 2008 г.
Район пуçлăхĕн йышăнăвĕпе килĕшÿллĕн, çурхи ĕçсене пысăк пахалăхпа тата вăхăтра пурнăçланă ял хуçалăх предприятийĕсене диплом тата укçан преми парса хавхалантарма йышăннă.
Пĕрремĕш вырăна “Малалла” ял хуçалăх артелĕ (ертÿçĕ – М.Петров, тĕп агроном – Н.Лукин, тĕп инженер – Н.Пазухин) тивĕçнĕ. Пĕрремĕш степеньлĕ диплом тата укçан преми панă.
Иккĕмĕш вырăнта – тулли мар яваплă пĕрлешÿ “Исток” агрофирма” (ертÿçĕ – А.Илюткин, тĕп агроном – Ф.Медведев, тĕп инженер – А.Илюткин). Иккĕмĕш степеньлĕ дипломпа тата укçан премипе наградăланă.
Виççĕмĕш вырăн “Красное знамя” ял хуçалăх кооперативĕ (ертÿçĕ – П.Никифоров, тĕп агроном – В.Красников, тĕп инженер – Н.Надин) тата “Труд” ял хуçалăх кооперативĕ (ертÿçĕ – Н.Михайлов, тĕп агроном – Н.Матвеев, тĕп инженер – Г.Митрофанов) йышăннă. Виççĕмĕш степеньлĕ дипломпа тата укçан преми парса хавхалантарнă.
“Первомайск”, “Тойсинская”, “Югель”, Ленин ячĕллĕ, “Звезда”, “Батыревский”, “Родина”, “Гвардеец” хуçалăхсем, “Батыревский” улма-çырла питомникĕ лайăх ĕçленине палăртнă.
Выльăх-чĕрлĕхрен – чи нумай продукци
Выльăх-чĕрлĕхе лайăх хĕл каçарнăшăн тата пысăк кăтартусемшĕн, хĕллехи вăхăтра 4340 центнер сĕт тата пĕр ĕнерен 2895 килограмм сĕт суса илнĕшĕн, витесене реконструкциленĕшĕн тата модернизациленĕшĕн “Красное знамя” хуçалăхăн ĕне фермине çĕнтерÿçĕ тесе йышăннă (ертÿçĕ – П.Никифоров, тĕп зоотехник – Ю.Чернов, ферма заведующийĕ – С.Давыдов). Дипломпа укçан преми панă.
Ленин ячĕллĕ, “Труд”, “Батыревский” хуçалăхсен фермисен ĕçĕсене те пысăка хурса хакланă.
Уйрăм выльăх-чĕрлĕх пăхакансем хушшинче çаксене çĕнтерÿçĕсем тесе йышăннă, диплом тата укçан преми парса хавхалантарнă:
Ленин ячĕллĕ агрофирмăри Галина Аркадьевна Французова дояркăна. Вăл пĕр ĕнерен 5393 килограмм сĕт сунă.
“Труд” хуçалăхри Зинаида Гавриловна Васильева сысна пăхакана, вăл пĕр тĕп амаран 17,6 çура илнĕ.
“Первомайск” кооперативри Елена Николаевна Кудряшова пăру пăхакана, пĕтĕмĕшле 125 центнер самăртнăшăн.
“Батыревский” хупă акционерла обществăри Валентина Николаевна Кошкина ĕне-выльăх пăхакана, пĕтĕмĕшле 182 центнер самăртнăшăн.
Тăрăшса ĕçленĕшĕн Т.Петрова (Ленин ячĕллĕ), Н.Нрти (“Красное знамя”), Р.Бородкина (“Батыревский”) дояркăсене, Г.Савельева (“Труд”), Петрпа Зинаида Кураковсем (“Красное знамя”), М.Яковлева (“Исток”) ĕне-выльăх самăртакан операторсене; А.Хураськина (“Хастар”), В.Суркова (“Красное знамя”), А.Шлаева (“Труд”) сысна çури илекенсене, Г.Куракова (“Красное знамя”), Н.Печкова (“Югель”)сысна самăртакансене ырăпа асăннă.
Ака паттăрĕсем
Çур акинче хастар ĕçленĕ çĕнтерÿçĕ-механизаторсене диплом тата укçан преми пама йышăннă:
“Исток” агрофирма” тулли мар яваплă обществăн механизаторне Николай Васильевич Тихонова. Вăл МТЗ-1221 тракторпа 3 сеялкăллă агрегатпа 1195 гектарта пĕрчĕллĕ культура акнă.
“Тойсинская” агрофирма” обществăн трактористне Николай Васильевич Бельдекова, ДТ-75 тракторпа 2 сеялкăллă агрегатпа пĕрчĕллĕ культура 605 гектар никĕсе хывнă.
“Дуслык” кооперативăн трактористне Алляметдин Ямалетдинович Мустафина. Вăл ДТ-75 тракторпа 868 гектар çĕр хатĕрленĕ.
Ленин ячĕллĕ агрофирмăн трактористне Александр Николаевич Чихина, акара çĕнĕ технологипе усă курса К-701, ПК “Кузбасс” тракторпа 666 гектар акнăшăн.
Кăçалхи акара пысăк пахалăхпа, тăрăшса вăй хунă трактористсене диплом тата укçан преми парса хавхалантарнă
Евгений Николаевич Шугуров – “Булинская” агрофирма тракторисчĕ.
Владимир Александрович Пров – “Югель” агрофирма тракторисчĕ.
Петр Федорович Трифонов – “Родина” кооператив тракторисчĕ.
Юрий Николаевич Батманов – “Звезда” хуçалăх тракторисчĕ.
Валерий Евгеньевич Васильев – “Батыревский” общество тракторисчĕ.
Радий Феоктистович Пыркин – “Гвардеец” общество тракторисчĕ.
Валерий Викторович Косойкин – “Хастар” кооператив тракторисчĕ.
Юрий Леонидович Шуваров – “Колос” хуçалăх тракторисчĕ.
Анатолий Васильевич Огурцов – “Батыревский” улма-çырла питомникĕн тракторисчĕ.