27 июня 2008 г.
Çĕртме уйăхĕн 20-мĕшĕнчен пуçласа утă уйăхĕн 8-мĕшĕччен Турханта паллă ÿнерçĕне А.Кокеле халалланă Пĕтĕм тĕнчери II пленэр ĕçлĕ. Ăна райадминистраци, Турхан ял тăрăхĕ, ЧР Культура министерстви, Чăваш патшалăх университечĕ, ЧР Художниксен союзĕ, Украина Художниксен союзĕн Харьков облаçĕнчи уйрăмĕ йĕркелет. Унта Украинăри, Чăваш çĕр-шывĕнчи паллă сăрă ăстисем хутшăнма кăмăл тунă. Пленэр çак тĕллевсене тĕпе хурать: А.Кокелĕн ĕмĕтне – унăн пĕчĕк тăван çĕр-шывне искусство аталанăвĕн центрĕ туса хурассине пурнăçа кĕртесси, А.Кокелĕн музейĕнчи коллекцие пуянлатасси.