27 июня 2008 г.
АЧАЛĂХПА СЫВПУЛЛАШРĕç Районти 549 ачашăн кăçалхи вĕренÿ çулĕ юлашки пулчĕ. Вĕсенчен 50-шĕ каçхи вăтам шкул пĕтерчĕç. Пĕлÿ шайĕ начар мар, 20 ача ылтăн, 24-шĕ кĕмĕл медале тивĕçрĕç. Патшалăх экзаменĕсем хыçра ĕнтĕ. Çавăн пекех шкулсенче уйрăлу каçĕсем те кĕрлерĕç.
Патăрьелĕнчи 1-мĕш вăтам шкулта районти чи пултаруллă вунпĕрмĕш класс пĕтернĕ ачасен балĕ иртрĕ. Ачалăхпа сывпуллашакансене район пуçлăхĕ Н.Глухов, районти вĕрентÿ пайĕн ертÿçи В.Осипов, Патăрьелĕнчи 1-мĕш вăтам шкул директорĕ В.Солдатов, Чăваш патшалăх университечĕн Патăрьелĕнчи филиалĕн директорĕ Л.Лялина саламларĕç.
Район пуçлăхĕ Н.Глухов чи хастаррисене уйрăммăн чысларĕ. Акă, “Эрудит” ята Туçари вĕрентÿ центрĕнчи Н.Жукова, “Республикăри олимпиадăсен çĕнтерÿçи” ята Шăнкăртамри вăтам шкулти Г.Еремеева, “Чи лайăх спортсмен” ята Патăрьелĕнчи 1-мĕш вăтам шкулти А.Глухова, “Лидер-2008” ята Патăрьелĕнчи 2-мĕш вăтам шкулти Ф.Крылов тивĕçрĕç. Çавăн пекех “Пурнăçра юрăпа” номинацире Тутар Сăкăтри вăтам шкулти Г.Шарафутдиновăна, “Ĕмĕт çемйинче” Ыхра Çырминчи Сайдашевсен çемйине палăртса хăварчĕç.
Уява пуçтарăннисем концерт курса савăннă хыççăн уйрăлу вальсĕ çаврăнчĕç. Юлашкинчен “Вĕренсе тухакан мисс” суйларĕç. Кунта Патăрьелĕнчи 1-мĕш вăтам шкулти Т.Соловьевăна çитекенни пулмарĕ.
Ачалăх хыçра, умра çут малашлăх. Ĕмĕтĕрсем пурнăçа кĕччĕр, хаклă яш-кĕрĕм.
(Хамăр корр.).
Сăн ÿкерчĕксенче: уйрăлу каçĕн саманчĕсем.